Emozietan oinarritutako hezkuntza funtsezko ardatza da Karmengo Ama Ikastetxearen hezkuntza proiektuan. Ikastetxeak jarduera ludiko eta praktikoak abian jartzen ditu ikasleen motibazioa eta interesa pizteko.

 ‘Koloretako munstroa’ dinamikaren bitartez, esate baterako, emozioak behar bezala identifikatzen eta kudeatzen ikasten dute. Umeak gai dira gogo-aldarteak bereizteko marrazki eta koloreen bitartez. Ikaskuntza prozesua indartzen duen jarduera garrantzitsua da eta, gainera, euren ongizate emozionala hobetzen du.

Karmengo Ama Ikastetxeak ikasleen hazkunde pertsonalaren eta barne ezagutzaren alde egiten du. Ikaskuntza arina izateko eta haurrak emozionalki zoriontsuagoak izateko oinarriak dira.